Тилобат Пирназарова: "Қайғумас, қувончдан боқай энтикиб"
Илтижо Қайғулар, азоблар қалбим чулғаманг, Осуда ҳаётим бўлмасин тахир. Қуёшнинг юзини тўсган булутдек, Қувончим бир зумда йўқ қилманг ахир.
Кезсангиз боғимда гулларим сўлар, Баҳорим айланар хазонли кузга. Оромим ўғирлар сокин кечалар, Нигоҳим дардини тўкар юлдузга.
Орзуга интилиб талпинган дилим, Армондан ўксиниб чекмасин алам. Мен билан дардлашиб тунлар тонггача, Ҳасратим битолмай синмасин қалам.
Қизғалдоқ баргидек титрар юрагим, Шодлигим айланиб қолса рўёга. Қайғумас, қувончдан боқай энтикиб, Табиат яратган ажиб дунёга.
|
Рукн: Шеърият | Қўшди: Samandar (20.08.2013)
|
Кўрилди: 836 | Шарҳлар: 1
| Рейтинг: 5.0/1 |
Шарҳлар: 1 | |
0
Ёруғ шеър экан ! Позитивга катта қадам.
|
|
|
|
|