Биздан саломлар бўлсин - Шеърият - Қирғизистон - Материаллар

Бош саҳифа » Материаллар » Қирғизистон » Шеърият

Биздан саломлар бўлсин

Муғанний Баҳорий саломлар Кўҳна Диёр аҳлига, Эрта нахор аҳлига. Янги баҳор аҳлига Биздан саломлар бўлсин! Бир юз ўн тўрт сурага, Ўттиз ўғил жўрага. Барокўҳ, Оқбурага Биздан саломлар бўлсин! Қиз учган ҳалинчакка, Иккиқат келинчакка Бешигу беланчакка Биздан саломлар бўлсин! Қишлоғу шахар, кентга Тинчимас парламентга Олмос президентга Биздан саломлар бўлсин! Кам уйқу боболарга, Ҳамуйқу момоларга Буғубор самоларга Биздан саломлар бўлсин! Янги чиққан тишларга, Сувга оққан тушларга. Сал беадаб қушларга Биздан саломлар бўлсин! Осмондаги ойларга, Ой чўмилган сойларга Нозик-нозик жойларга Биздан саломлар бўлсин! Кечиккан қалдирғочга, Ичиккан сумбулсочга Сиғмаган бир қулочга Биздан саломлар бўлсин! Ердаги юлдузларга, Ўйноқи қундузларга Олтмиш ёшли қизларга Биздан саломлар бўлсин! Ўзин йўқотган одам (Абсурд фильм сценарийси) Фотиҳа Муҳаббатда собит қадамлар, Бахтиёрдир абад-ул- абад. Қиёматдан қўрқманг одамлар Сизни кутар Олий Муҳаббат. *** Муҳаббатим қувдим ўқ отиб, Мажруҳ юрак ётар хириллаб. Сўнг, ўзимни қўйдим йўқотиб, Қайлардадир Руҳим пириллар… Эснаганда баҳорий хислар, Безори сел ғажир изимни. Вижирлашиб ўтганда қизлар Соғинаман жуда ўзимни. Дарагим йўқ инсу паридан, Кўмилмасдан тирилмас ҳоким. Ишқнинг кўхна варақларидан Қизиқ, ўзин излаётган ким? Қиз болани кўндирмоқ азоб, Туни билан дуо ўқийди. Сийналарин топгунча ҳижоб Шайтонлари иғво тўқийди. Йўқ гўдагин қучган бешигин, Кўр жувоннинг қўриғин топдим. Белаб бериб мурғак мушугин Сув кўрмаган ариғин чопдим. Оқибатсиз бўларкан мушук, Ҳидим олмас сал қаришимга. Аурамни искаган кучук Чизиб қўяр ташқарисига… Ўқ пойларим битди юлиниб, Бальзамлари ғоятда тахир. Қучавердим бордек ялиниб Оқ чойшабим Саҳройи Кабир. Тасвир кўчар, бирдан тушига, Чинқиради уят сўкинчим. Зорланади қизлик тўшига Шоирсираб битган ўтинчим! Дайди Руҳим овлаб бер, Аёл, Кипригингдан тўқиб туш қафас Сарсонликдан афзалдир завол, Тушларингда ўлиб олсам, бас! Ўйиб ташлар кўзларин Санам, Эдипни ҳам ўйлантиради Бармоқчаси қонли мўйқалам “У”ни “Ў”га айлантиради. “Тўшларингда ўлиб олсам Бас!!” Баҳор қониб тугади куртак… Юрак тиниб сўнади нафас… Чироқ ёниб тугайди эртак. Эпилог Сармазорда Сухайл ухлар Бароқ тинмай сочин тарайди Кипригида адашган Рухлар Ичкарида ёш ялтирайди P/S. Цензурада: низомсиз ўлим… Қиёматдан кўнгилсиз тақдир… Тирик қолган иккала қўлим Ва эгасин чопмаган шамшир
1 2 3 4 5 Рукн: Шеърият \| Қўшди: Davron (08.07.2013) \| Муаллиф: "Ҳафта ижодкори" - Муғанний
Кўрилди: 901 \| Рейтинг: 0.0/0