Мендан сўрангчи
Собиржон Зокиржон ўғли - Янги Новқат қишлоғида туғилган. Ёшлигидан адабиётга меҳр қўйган. Қишлоқ маданият саройида бир неча йил фаолият олиб борган.
"Бешинчи фасл" шеърий тўплами муаллифи.
Тез тузалиб кетаман
Вой, бошим оғрияпти,
деб, укам йиғлаб қолди.
Қўрққанидан ойимлар,
Токчадан дори олди.
Йиғлаб туриб, дер укам:
- Ўрнимга тез ётаман.
Конфет беринг жон ойи,
Тез тузалиб кетаман.
Меҳрибон
Ойи, Лайли опамчи,
Тўртни яхши кўради.
Олиб борсак, катта тўрт,
Роса ҳурсанд бўлади.
- Врач руҳсат бермабдида.
- Қийин бўпти Лайлига.
Олаверинг емаса,
Мен еб қўяй, майлига.
Мендан сўрангчи
Музқаймоқни кўриб Нур,
Лаб ялаб ҳавасидан
- Музқаймоқ емайсизми?
деб сўрар холасидан.
- Рахмат, емайман болам,
Яхшиси "чит" оларман.
- Унда мендан сўрангчи,
Балки мен еб қоларман.
|
| Рукн: Шеърият | Қўшди: Davron (14.01.2013)
| Муаллиф: [b]Собиржон Зокиржон ўғли[/b]
|
| Кўрилди: 702
| Рейтинг: 0.0/0 |
|
Статистика
Жами on-line: 1 Мехмонлар: 1 Фойдаланувчилар: 0
|
