Бошқа ким ҳам бор
Дунёга келишм кутиб интизор
Кечалар оромсиз бўлиб бемадор,
Доимо жонини беришга тайёр,
Онамдан меҳрибон бошқа ким ҳам бор!
Кеча-кундуз фақат ўйлар болам деб,
Яйрагин,яшнагин сенга олам деб,
Сенсан кўзимдаги нурли шуълам деб
Айтган ғамхўримдан бошқа ким ҳам бор!
Дуодан қўллари асло толмаган,
Ғийбатли гапларга қулоқ солмаган,
Беш маҳал намозни канда қилмаган,
Онамдан оқила бошқа ким ҳам бор!
Сўзлари ширинроқ ҳатто асалдан,
Ёмондан асрарди бизни азалдан,
Таърифин тополмадим ҳеч бир ғазалдан,
Онамдан дилбарроқ бошқа ким ҳам бор!
Жоним фидо бўлсин онам пойига,
Алишмайман қуёшга, ҳаттоки ойга,
Тортишса дейманки шарқироқ сойга:
Онамдан гўзалроқ бошқа ким ҳам бор!
Бошимга минглаган харсанг тушса ҳам
Оналик меҳри бор митти қушда ҳам,
Уҳласам айтаман ҳатто тушда ҳам,
Онамдан меҳрибон бошқа ким ҳам бор!
**** **** ****
Ўзингдан ўзгаси билмас!!!
Бахорим ўтмай келди қиш,
Юрагимга санчилди ниш,
Лабларга душманму кулиш,
Ўзингдан ўзгаси билмас!
Дилимда бор бита армон,
Васлингни истайман хамон,
Дардимга йук сира дармон,
Ўзингдан ўзгаси билмас!
Дунё асли уммон экан,
Бир бор,бир йўқ экан,
Кўнглим бир кун кулармикан,
Ўзингдан ўзгаси билмас!
Дардлиларни дардин олсам,
Пайғамбарим тушда кўрсам,
Дийдор учун дил боғласам,
Ўзингдан ўзгаси билмас!
Мақсадим етмокдир сенга,
Қачон келгай бу бахт менга,
Кўнглим дейди:нега-нега,
Ўзингдан ўзгаси билмас!
Йўлим тўла ёруг эмас,
Майли «нур» хам керак эмас,
Ўзим ҳатто ўзимдамас,
Ўзингдан ўзгаси билмас!
Музаффар сўзлади ҳикмат,
Аллоҳ унга қилсин ҳиммат,
Жаннатданда дийдор қиммат,
Ўзингдан ўзгаси билмас!
|
