Ожизлик
1
Бандаман-
Ожизман, дея кўнгилни
Овутиб, гуноҳим яширгим келар.
Бор будим тортиб-
Ишқ тарозисинда,
Кибру- аъмолимни оширгим келар.
Яккаланиб қолдим очун қўйнида,
Мен қазиган чоҳга
ситамлар тўлди.
Кафанлар тиккандим жовидонимга,
Жуссам қайтди дордан,
Тафаккур ўлди...
Узоқ ёдламадим- руҳим юкини,
Нафсимнинг домига
Эврилдим осон.
Кимгадир юкундим,
Йўлим тополмай,
Ўзгани ер билдим,ўзимни осмон.
2
Ҳадикли нигоҳ-ла
Боқаман ўйчан,
Ботқоқлик гирвати-
Рубъи маскунга.
Ғалати танглиғлар беради озор,
Бағрим бир маҳзандир
Зорман таскинга.
Пайсалаб сўрайди қасос дардлари,
(қасос-бу ғийбатдан ўтмайди нари)
Жаҳолат кунжидан
қўним топади.
Ғазабдан яралган
гуноҳ лашкари.
Аслида... аслида ночорман,
Беорман зарак
Нигоҳим яқинни айлайди нисор.
Қўлимдан келмаган
эзгу ишларга
Уриниб ўзимни қиламан безор..
|
| Рукн: Шеърият | Қўшди: isfana (23.08.2013)
| Муаллиф: Бобомурод
|
| Кўрилди: 730
| Рейтинг: 2.0/1 |
|
Статистика
Жами on-line: 1 Мехмонлар: 1 Фойдаланувчилар: 0
|
