ШЕЪРЛАРИМ - Шеърият - Қирғизистон - Материаллар

Бош саҳифа » Материаллар » Қирғизистон » Шеърият

ШЕЪРЛАРИМ

Ёрқиной Муродова Шеърларим – кулгуларим, Шеърларим – қайғуларим. Уйқудан безор қилган, Самимий туйғуларим! Шеърларим , дугонамсиз, Ҳар лаҳза парвонамсиз. Қадам қўйсам, чин дилдан, Кутолган остонамсиз! Шеърларим, бўстонимсиз, Орзу-ла армонимсиз. Нигоҳлари тушганда, Ёришган осмонимсиз! Шеърларим – жодуларим, Бебаҳо дил гавҳарим. Унутганда яқинлар, Мен-ла қолган дилбарим! Шеърларим – бору йўғим, Юракда ёнган чўғим. Қадрим ерга урса кас, Отилган синмас ўқим! Шеърларим, сиз – ҳаётим, Сиз бор – метин саботим. Бир кам днё пинжида, Сизла Покиза отим!!! СИЗНИ…. Хаёлимдан кетмаяпсиз ҳеч, Мен билансиз гўё эрта-кеч. Ҳақдан сўргум, мушкулимни еч – Яхши кўриб қолдим-да сизни! Лутфингиздан чўғ тушди дилга, Кунларим ҳам ўхшайди йилга. Исмингиз кўп оляпман тилга, Яхши кўриб қолдим-да сизни! Гул маконинг ўғлонидирсиз, Балки кўнглим армонидирсиз. Меҳрингизга чўкиб қолдим тиз, Яхши кўриб қолдим-да сизни! Хуш каломсиз кўплардан кўра, Ҳиссиз хашак, чўплардан кўра. Яратганим, жонимни сўра, Яхши кўриб қолдим-да сизни! Мен-ку, оддий чечакман холос, Сизга эса ҳур-фаришта мос. Меҳрим оғир олманг, илтимос, Яхши кўриб қолдим-да сизни! Кўксингизга балки, етмас бош, Лек, тушкунда тўкмасман кўз ёш. Покиза, дил экан-да бебош, Яхши кўриб қолдим-да сизни!
1 2 3 4 5 Рукн: Шеърият \| Қўшди: Davron (14.09.2012) \| Муаллиф: Ёрқиной Муродова
Кўрилди: 729 \| Шарҳлар: 1 \| Рейтинг: 0.0/0