Пайшанба, 19.09.2024, 22:15
| RSS

Ижодкор

Бош саҳифа | Рўйхатдан ўтиш | Кириш
Бош саҳифа » Материаллар » Қирғизистон » Шеърият
Ўзимизникилар
Ўзимизникилар

(Шавкат Раҳмон назари тушган шеър)

Кўпга ёқиш қийин, уйиб қошингни,
Ҳар кимга эгасан азиз бошингни,
Топганинг тўй қилиб, берган ошингни,
Ўзимизникилар тотишар шаксиз.

Кўп қилсанг, бу элдан ошибди беор,
Кам қилсанг, чиқимдан қочибди маккор,
Шундайин сўзларни пинҳон ё ошкор,
Ўзимизникилар қотишар шаксиз.

Борни кўришолмас, беролмас йўққа,
Мурувват қилишар доимо тўққа,
Зимдан пайинг қирқиб, кўз тикиб лўққа,
Ўзимизникилар сотишар шаксиз.

Гадоси гадога ва шоҳи шоҳга,
Ғанимлик қилишиб, қулатиб чоҳга,
Ғараз дунё учун не тонг гуноҳга,
Ўзимизникилар ботишар шаксиз.

Бир кун паймонаси тўлгандан кейин,
Ҳам адойи тамом бўлгандан кейин,
Қабристонда қатор—ўлгандан кейин,
Ўзимизникилар ётишар шаксиз.


Рукн: Шеърият | Қўшди: Rahimjon (26.06.2013) | Муаллиф: Шодмон (Қосимжон Раҳмиев)
Кўрилди: 863 | Шарҳлар: 1 | Рейтинг: 5.0/1

Шарҳлар: 1

0  
1 Rahimjon   (01.07.2013 10:45) [Материал]
Ҳар сафар Новқатни ўйлаганимда хаёлимга оташнафас шоир Қосимжон Раҳмиев келади. Баъзида шеър уни ёндириб юборадигандек туюлади. Айниқса устоз шеър ўқиганда ёниб ўқийди. Бу ўша ёниб ёзилган шеър бўлганлигидан деб ўйлайман.
Шарҳни фақат рўйхатдан ўтган фойдаланувчилар қолдира олади.
[ Рўйхатдан ўтиш | Кириш ]
Меню
Рукунлар
Кириш формаси
Ихчам-чат
Статистика
Жами on-line: 1
Мехмонлар: 1
Фойдаланувчилар: 0
Ijodkor.com © 2012 - 2024