Нурхон Аюб қизи Муҳаммедова 1949 йил 1 сентябрда Чимкент шаҳрида дунёга келган. 1966 йилда Чимкент шаҳридаги Алишер Навоий номли ўрта мактабни, 1972 йилда эса Муқимий номидаги Тошкент давлат чет тиллари институтининг инглиз тили факультетини битирган. Илк фаолиятини мактабда кутубхоначиликдан бошлаб, Муқимий, Ойбек номли ўрта мактабларда ўз мутахассислиги бўйича ўқитувчилик қилган. Уч ўғил, икки қизнинг онаси. "Ҳаёт қиссаси" назмий тўплами муаллифи.

Туркистонлик шоир ва ижодкорларнинг навбатдаги тўплами чоп этилмоқда. Унга Эрназар Рўзиматов бошлиқ кўплаб ижодкорларнинг ёзганлари жамланган. Қуйида ана шу тўпламдаги шеърлардан намуналар чоп этмоқдамиз.

"Улуғбек хазинаси" қаҳрамонларидан Қаландар Қарноқийнинг юртдоши Долимжон Сайфуллаев қалами билан танилаётганлардан. Унинг янги ҳикояси сизни ҳам тўлқинлантирса ажабмас.

Мухлисларнинг талаб-истакларига кўра Собир Шомуроднинг навбатдаги туркум шеърларини чоп этмоқдамиз.

Қозоғистон ва Ўзбекистон Ёзувчилар уюшмалари аъзоси Эрназар Рўзиматовнинг ижоди бир маромда давом этмоқда. Шу кунларда шоир ва носирнинг навбатдаги китоби: "Уккоша ота ва Эшон бобо" деб номланган навбатдаги насрий асарлар тўплами "Жамият ва маърифат" нашриётида чоп этилмоқда. Ўйлаймизки, ушбу тўплам ҳам ўқувчисини топади. Қуйида ана шу тўпламдан жой олган бир жуфт воқеий ҳикояни чоп этмоқдамиз.

УСТОЗГА БЎЛГАН МЕҲРИМ
Сайрамда иқтидорли ижодкорлар кўплаб топилади. Уларнинг ижод маҳсули бўлган асарларни халқимиз севиб ўқимокқа. Ижод оламида яшаб, сермаҳсул қалам тебратаётган сайрамлик Собиржон Шомуродов – Собир ШОМУРОД аллақачон халқ эътиборига тушган шоирлардан бири.
Собир ШОМУРОД - ғазалнавис шоир. Унинг шеърларида Ватан мадҳи, халқ, ота-она кенг тараннум этилади.
Ишқ-севгидан кўпроқ куйланади. Шоирнинг Оллоҳга бўлган муҳаббати доимо биринчи ўринда туради.
Раҳматли Туроб Сайрамий, Шоаҳмад Шопўлатовларнинг севимли шогирди бўлган Собиржон ака бугунги кунда «Исфижоб» ижодий уюшмасининг энг фаол аъзоси.
Иншооллоҳ, ушбу китоб шеърият мухлислари қўлидан тушмайди. У халқимизнинг маънавий бойлигига айланади, деб умид қиламан.
Ўрмон Собир, «Исфижоб» ижодий уюшмаси раиси,
«Адабиёт ва санъат» республика ижтимоий-бадиий газетаси муҳаррири.

Комилжон Солибеков катталар ва болалар учун шеърлар, ҳикоялар ёзади. Шу кунларда "Жамият ва маърифат" нашриётида унинг болаларга бағишланган, "Мафтунанинг ишлари" деб аталган дастлабки тўплами нашрга тайёрланмоқда.

Собир Шомурод 1945 йилда туғилган. "Исфижоб" уюшмаси аъзоси. Қатор тўпламларда қатнашган, "Умр ўтмоқда" шеърий тўплами шоирнинг сараланган ижод намуналаридан тўпланган.

Соатой КАМОЛОВА


...Дўстим бор ёнимда
Йўлдош ҳамиша,
Хато қилишимни
Кузатиб турар...

Гули Осиё (Гулосиё Ҳасанова). Қозоғистон ўзбек адабиётида ўрнини ола билган ижодкорлардан. Даврий нашрларда, бир қатор тўпламларда шеърлари чоп этилди, шу кунларда сараланган шеърлари тўплами "Жамият ва маърифат" нашриётида чоп этишга ҳозирланмоқда.

Онажон, сочингиз оппоқ толида,
Бахтиёр кунларим заҳматин кўрдим.
Зим-зиё кечалар умрим йўлида,
Меҳрингиз нурларин зийнатин кўрдим.

Йўқликка тикилиб, сурсангиз хаёл,
Қалбимда изтироб туғёнин сездим.
О, кўзим ўнгидек фаришта аёл,
Кўнгил осмонида қўшилиб суздим