Абдували ҚУТБИДДИН

Бебаҳо матога томган доғдайин
Ўчмайди шафақлар минг ювилса ҳам.
Сарсари, шақиллаб ўтса-да, йиллар
Сен ўша, ўша…

Томчи-ла тасвирлаб бўлмайди сени,
Ҳатто англатолмас билса-да кўршаб.
Тап-таранг тасмадай кокилларингни
Тараган исёнлар бермас изоҳлаб.
Сен ўша, ўша…

Беҳуда даъволар қиламан гоҳо,
Хобгоҳинг қўриқлар фалак лашкари.
Ошкор этмоққа тутинаман гоҳ,
Ақлдан ташқари,
Фикратдан ташқари….

Воажаб, ингичка қилдан ҳам нозик
Иплар чувагувчи балогир сарҳад
Аро, минг йиллик бутхона янглиғ
Тоқатни тоқат-ла тилгувчи қаҳат –
Ўша, ўша…

1983.

Қорайиб йўқолар шафақнинг юзи,
Туннинг қучоғида бедор юраман.
Бир қиз бор – дунёнинг энг ёмон қизи,
Мен шу ёмон қизни яхши кўраман.

Орқа-олдга ташланган
Қадамларда ҳикмат бор.
Нафақат «алиф», «лом»да,
Рақамларда ҳикмат бор.
Кел, фикримиз шунчаки
Тарозига солайлик,
Сен эътибор қаратган
«Етти» сонин олайлик.

Инсон, сени бир оний
Фурсатлар тамом қилди.
«Қулоқ» бўлиб кун кўрган
Улфатлар тамом қилди.
Тумшуғидан қон томган
Калхатлар тамом қилди.
Тушунтириш хатлари,
Тилхатлар тамом қилди...

Қайдан келди бу зулмат,
Қаро инсон ҳаёти.
Қопладими ер юзин
Жаброилнинг қаноти.
Дарвоқе, у шу қанот
Шамолидан ҳезланиб,
Келди Тангри қошига
Шоду шодон юзланиб.
Деди: «Мендек яна бир
Махлуқ яратганмисан?
Ҳамманинг ҳавасини
Унга қаратганмисан?»

Сен-чи, яшаяпсанми
Номус билан, ор билан?
Дунёни олмоқчисан
Даҳшату террор билан.
Яратилган инсондан
Энг тубанлар яратдинг.
Дубайларда саноқсиз
Дон Жуанлар яратдинг.
Битта самолёт билан
Қурбон қилиб ўзини,
Бутун оламга ёйди
«Камикадзе» сўзини.

Ҳозир болалар кекса
Чолни мазах қилади.
Чунки уч яшари ҳам
«Ноутбук»ни билади.
Бармоқлари адашмай,
Бир неча сон босяпти:
«Ало, олиб кетинглар,
Боғча опам шошяпти».
Икки яшар қизим бор,
Кўп эркалик қилади.
Озодбекнинг ўн битта
Қўшиғини билади.

Бу митти достон давомида маънолар инжудек тизилмаган, фикрлар кетма-кетлигига ҳам риоя қилинмагандир эҳтимол. Аммо уни Ватанни севган оддий инсоннинг ўз сайёрадошларига мурожаати сифатида қабул қилгайсиз. Гоҳ аниқ, гоҳ мужмал сатрларни тоқат билан ўқиган ва англаганларга Оллоҳнинг марҳамати бўлсин!

Акмал Шарипов

Юрагим, биламан...

Юрагим, биламан сенга ҳам қийин,
Юкинг оғирлашиб борар кун сайин.
Сен фақат чидагин, чидашинг керак,
Хали манзил йироқ, етиб борайин.

Баъзан сенга нохақ оёқ қўйдилар,
Бўхтон тоши билан рахмсиз уйдилар.
Сен таслим бўлмагач, нокас ганимлар,

Мухаббатимни хали учратмадим...Бу сатрлар Унинг хакидаги хаёллар....Сизга илиндим.

Настарин

Мухаббат..Нима у? Тонгги шаббода
Ярмига етолмай тукилган бода..
Хам савоб хам гунох..бир катор шода..
Мухаббат...Нима у ?!..

Мухаббат ..Нима у:!..Ёрнинг фироги..
Васлга етмаган ишкнинг титроги..
Ошикларга хамрох ойнинг уроги
Мухаббат..Нима у?!..