Собиржон Зокиржон ўғли

Музқаймоқни кўриб Нур,
Лаб ялаб ҳавасидан
- Музқаймоқ емайсизми?
деб сўрар холасидан.

- Рахмат, емайман болам,
Яхшиси "чит" оларман.
- Унда мендан сўрангчи,
Балки мен еб қоларман.

Абдулҳақ
Нахот букун синди ҳофизи саслар,
Саслари чалинмас қулокларимга.
Нафаслар синдими, оташнафаслар
Қуртлар тушдими, гул япроқларимга.

Фарёднинг боласи туғилди бу он,
Наҳотки қутурди баҳайбат қуртлар.
Истаклар қорайди, қуртлади исён,
Барчаси қорайди, қуртлади бурдлар.

Авлиёхон Эшон

Уфқ ёришмасдан,
Азон маҳали
Кимнингдир шафқатсиз,
Моҳир қўллари
Сокин оқаётган дарё юзидан
Мовий пардаларни олди сидириб.
Сўнг эринмай қоқди зилдай кўрпани.
Савачўп остидан тўкилган тўзон --
Сув ичиб туманга эврилган ҳаво
Мушукдай ўрмалаб тангкўчалардан,
Қаттиқ ухлаб ётган мўъжаз қишлоқни
Ямлаб ютмоқ учун чопди шарпасиз.
Олам ҳам,
Одам ҳам уйқуда эди.
Оқшомда танuилган пашшахоналар
Сузиб бораётган елканлар каби
Оқариб турарди олис-олисда

Даврон Ҳотам
Орзу қилганим ушбу сайтни очилганига ҳам кўз очиб юмгунча ярим йил бўлиб қолибди.Сўнгги вақтларда эса яхшилардан сайт учун миннатдорчилик билан биргаликда айрим дашномчалар ҳам биз томонга йўлланиб турибди. Шунисига ҳам шукр! Бир иш қилсангу бунга ҳеч ким аҳамият бермаса, ана шуниси ёмон!
Фақат кейинчалик ҳам тушунмовчилик келиб чиқмаслиги учун айтмоқчиманки, бу сайтда бирор фитнага, иғвога жой йўқ! Бадиий асарлардаги камчиликлар ҳақидаги шарҳлар бўлса бош устига! Аслида айнан шу нарса сайтимизда деярли йўқ! Илтимос, илмингизни аямай ёшлар ижодига ўз танқидий фикрларингизни ёзсангизлар!
Шу ўринда бир инсоннинг шахсиятига тегувчи шархларини "удалить" қилганимиздан норози бўлган ўқувчимизнинг шархини айнан келтириб ўтсам:
"додхо (02.01.2013 00:59)
фирк эркинлигин бугиш экан-да. унда нега кучирмачилиги очик ошкор шоирлар ижодини бериб борасизлар? Узи плагиатлик нима эканлигини биласизларми? Шеър укийсизларми? М.Солих,Р.Парфи.Ш.Рахмон шеърияти кучирмачилари сайтингизда тикилиб ётибди-ку. Бировни шеърини кучирганларни нега "удалить" килмайисизлар?"

Бу галги суҳбатдошимиз ўшлик ёш хонанда Илҳом Аҳмад бўлди. Илҳом Ўш шаҳрида, таниқли санъаткорлар оиласида туғилиб, вояга етди.
Ёш санъаткор "Девона бўлдим", "Ҳижоб рўмол" каби қўшиқлари орқали мухлислар қалбидан жой ола билди. Бугунги кунда Ўшдаги З.М. Бобур нолмидаги ўзбек академик театрида фаолтият олиб бораётган санъаткорнинг қўшиқлари Туркия телеканаллари орқали ҳам намойиш этилмоқда.
Ёшлар орасидаги саноқли чинакам овоз эгаларидан бири бўлган ушбу қўшиқчи билан суҳбатимиз одатдагидек, хофизнинг шахсий ҳаёти ҳақидаги маълумотларни сўраш билан бошланди.

Илҳом суҳбатимизни одатий бир савол билан, яъни ўзингиз, оилангиз ҳақида сўрашдан бошламоқчиман.

Шеърият бугун қўлимизда, юрагимизда яшаётган Ватанимизнинг титраб турган тимсоли, тҳозир ўчиб қолиши мумкин бўлган шуъласдир.
Ўзбек шеъриятининг имкониятлари чексиз, бу йўлда кетаётган ижодкортараддудланиб қолиши табиий. Лекин бу тараддуд ўз халқининг, ўз миллатининг тақдири билан боғланган шахснинг изтиробларини, қувончларини намоён қилиш имкониятидир.
Абдул Ҳамиднинг шеърлари юксак руҳият уйғотадиган шеърлардир.
Абдул Ҳамид шеърлари ҳақида узоқ мулоҳазалар юритмоқ мумкин. Аммо, шеър муҳокамаси ғоят қийин. Ҳозир Сизга тақдим этилаётган шеърлар бир ўзбек шоирининг юрак садоси, виждон амридир.
Рауф ПАРФИ,

Даврон ҲОТАМ

Ғанижон Холматов-Муғанний нафақат Ўш шаҳри учун балки бутун ўзбек забон санъат, маданият мухлисларига таниқли Шоир ва маданият арбобидир. Муғанний ғазаллари машҳур ҳофиз Шерали Жўраев каби бир қатор қўшиқчилар томонидан ижро этилиб, халқ қалдига кириб борди. Шу билан бирга Шоир ўзининг замонавий ғазалнавистлар ичида ўз ўрни ва оҳангига эга эканлигини исботлаб улгурди. Аммо, бугунги кунда Қирғизистондаги ўзбек ижодкорларининг ҳаёт йўллари кўпларга тўла маълум эмас. Шу важдан Муғаннийнинг қисқача умр йўлини Шоирнинг ўз баёни билан ҳавола этмоқдамиз. Умид қиламизки, устоз Муғаннийнинг бу ҳасби ҳоли яна кўплаган адабий асарлар билан тўлиб боради.

Раҳимжон АЛИЖОНОВ
Бизнинг ватандошимиз, улуғ аллома "ХХ аср Имом Бухорийи" деб шуҳрат қозонган ҳазрат Алихонтўра Соғуний(Аллоҳ раҳматига олган бўлсин) устозимизнинг машҳур асари "Тарихи Муҳаммадий" ҳақида сўз бошлар эканман, бу нақадар масъулиятли иш эканлиги ҳақида ўйлаб қоламан.
Устоз... Росулуллоҳ ҳазратлари соллаллоҳу алайҳи вассаллам ҳаётлари ёритилган асар... Ёки Ислом дини тарихи ҳақидаги энг йирик асар ҳақида ёзиш... Бу нақадар масъулиятли.
Устозимиз Алихонтўра Соғуний 1885 йил 21 мартида Қирғизистоннинг Тўқмоқ шаҳрида зиёли ўзбек хонадонида таваллуд топганлар. Илм излаб ёшлигидан Арабистонга ўқишга кетадилар ва у ерда диний таҳсиллар ола бошлайди. Тобора илм ўз мавжига тортиб, нафақат диний балки тиббий ва бошқа илмларни ҳам ўрганиб боради. Бориб-бориб ўз замонасининг забардаст олими, буюк алломаси бўлиб етишадилар.

Даврон Насибхонов

Бугунги меҳмонимиз 90 йилларнинг иккинчи ярмида Қирғизистонда машҳур бўлган "Илҳом" гуруҳининг солисти, бир қатор қўшиқлар муаллифи, бастакор Баҳром Азимов бўлди.
Мен, шу 1973 йили 5-декабрда Фарғона вилояти, Олтиариқ туманида туғилганман. Дадам ҳам, онам раҳматлик ҳам қўшиқ айтишар эди. Ёшлигимиздан... мени ўша энг... “ностольгия” деб қўядию, юрагимни эзадиган нарсаларда...мана шу нарсалар ҳам илҳом олиб келади. Одамни телбасифат қилиб қўядиган нарсалар бўлади-ю. Шулардан биттаси мана шу нарса. Мен ёшлигимни эсласам кўпроқ свет ўчиб қолган... шамоллар бўлиб свет ўчиб қолса қўрқардикда. Ўшанда дадам, бувим ҳаммамиз бирга ётардикда. Узун жой қилиб, бир тарафда дадам, бир тарафда бувим, мен албатта бувимни олдида ётардим. Мен энг кичик ўғилманда. Қўрқардим роса. Ўшанда дадам билан бувим ашула айтиб беришарди. Кечаси билан ўшани эшитиб, ярим қўрқув ваярим қандайдир роҳатланиш билан ухлаб қолардик. Ҳаммамиз ҳам шундай эдик. Ҳозир ҳам акаларим билан гаплашиб қолсак ёшлигимизни, мана шу нарсани жуда ҳам кўп эслаймиз. Қандайдир ўша ў-ў “Тоҳир-Зуҳро”даги ариялардан айтиб беришарди ёки бувим бадиий китобларни ўқиб ўқиганда, шу китоблардан айтиб берарди. Ёшлигмизда “Беш болали йигитча” деган китоб билан қанайдир мени ривожланишим бошланганда, адабийми ё ақлийми... билмайман. Бувим мана шу китобни йиғлаб айтиб берарди, биз ҳам йиғлаб эшитардик

ШОДМОН

Сийратимиз бузуқдир, сувратга бериб оро,
Жазманига нозланган фоҳишадек сузилдик.
Бузуқликни биз қилиб, бузилди, деймиз, дунё,
Дунё бузилгани йўқ, биз ўзимиз бузулдик!

Дунё бузилди, дейди ўзи бузуқ нокаслар,
Етти пушти маърифат, маъни билмаган каслар,
Бузуқликка бошлайди шайтоний ўй, ҳаваслар,
Дунё бузилгани йўқ, биз ўзимиз бузилдик!