Шеърият бугун қўлимизда, юрагимизда яшаётган Ватанимизнинг титраб турган тимсоли, тҳозир ўчиб қолиши мумкин бўлган шуъласдир.
Ўзбек шеъриятининг имкониятлари чексиз, бу йўлда кетаётган ижодкортараддудланиб қолиши табиий. Лекин бу тараддуд ўз халқининг, ўз миллатининг тақдири билан боғланган шахснинг изтиробларини, қувончларини намоён қилиш имкониятидир.
Абдул Ҳамиднинг шеърлари юксак руҳият уйғотадиган шеърлардир.
Абдул Ҳамид шеърлари ҳақида узоқ мулоҳазалар юритмоқ мумкин. Аммо, шеър муҳокамаси ғоят қийин. Ҳозир Сизга тақдим этилаётган шеърлар бир ўзбек шоирининг юрак садоси, виждон амридир.
Рауф ПАРФИ,

ШОДМОН

Сийратимиз бузуқдир, сувратга бериб оро,
Жазманига нозланган фоҳишадек сузилдик.
Бузуқликни биз қилиб, бузилди, деймиз, дунё,
Дунё бузилгани йўқ, биз ўзимиз бузулдик!

Дунё бузилди, дейди ўзи бузуқ нокаслар,
Етти пушти маърифат, маъни билмаган каслар,
Бузуқликка бошлайди шайтоний ўй, ҳаваслар,
Дунё бузилгани йўқ, биз ўзимиз бузилдик!

Аравонлик шоира Ёрқиной Муродованинг вафот этганини бугун эшитдим. Жисмонан мажруҳ эсада руҳи бақувват шоира эди. Аллоҳ раҳматига олган бўлсин. Ушбу марсия устоз Муғанний томонидан битилган.

МУҒАННИЙ
Ёшларимга чўкиб оқмайман,
Кўзларимни ёш илон чақар.

Исломбек Абдурахманов

Йиғлама ёрим, йиглама
Ўксинма ёр, ўксинма,
Оромим бузиб, йиғлама.
Кўз ёш тўкиб, қалбим тиғлама
Йиғлама эй ёр, йиғлама

Раҳимжон Алижонов

Мойчечаклар табассум илди,
Қуриб қолган карахт ҳолимга.
Бўйга етган илҳом қизлари,
Тинчлик бермас ўй-ҳаёлимга

Раҳимжон Алижонов

Туғилмасдан қаёқда эдим?!
Ва қай Зотга бергандим ваъда?
Баъзи биров шеъринг тушунмай,
Қилиб ётар майда сафсата.

Зоҳид Жон

Бирда шодлик, бирда ғам бор
Аламда ҳам асли там бор
Бу дунёда битта кам бор
Кўнгил ўксима, ўксима

Дунёи азал дерлар
Соғ, эрта касал дерлар
Бемаҳал ажал дерлар
Кўнгил ўксима, ўксима

Нигора Нўъмонова

Камситсалар гоҳо бесабаб,
Сиқилмадим, бузмадим асаб.
Дедим: Аллоҳ камситмасин ҳеч,
Илло, Ўзи қилмасин ғазаб.

Мақтаслар кўкка кўтариб,
Ҳовлиқмадим бурним кўтариб.
Дедим: Аллоҳ азиз айласин,
Зинҳор Ўзи қилмасин ғариб.

Шукруллохон Авлиёзода
1940 йилнинг 11 январида Ўш вилоятининг Лайлак туманидаги Андархам қишлоғида туғилган. Ленинобод (ҳозирги Хўжанд) давлат педагогика институтининг тарих-филология факултетини битириб, 1963 йилдан нафақага чиққунга қадар Овчиқалъачадаги 37-Ўрта мактабда Ўзбек тили ва адабиёти фанидан дарс берган.
Шоирнинг шеърлари 70-йиллардан бошлаб вилоят ва жумҳурият матбуотида босилган. "Қадр" ва "Ёруғлик одамлари" мажмуаларига туркум шеърлари киритилган. "Қўшқанот" (2004) ва "Муножот"(2010) номли китоблари нашр этилган. Рубоийлари тожик тилига таржима қилиниб, нашрга ҳозирланган.
Шукруллохон Авлиёзода овчиқалъачалик ижодкорларнинг чин маънодаги устози, Ўқитувчиси эди. Шоир 2009 йилнинг 20 ноябрида Овчиқалъача қишлоғида вафот этди.
Ҳар йили шоир Шукруллохон Авлиёзода хотирасига бағишлаб анъанавий шахмат мусобақаси ўтказилмоқда.

Даврон ҲОТАМ

Тераклар жимгина ўсарлар
Шивирлаб шамолни ўпарлар
Армонин япроққа хат битиб
Қўллари қалтираб тўкарлар.

.