Барно ИСОҚОВА
1974 йили Ўшда туғилган. Ўрта мактабни тамомлагач, 1997 - 2002 йиллари Ўш Давлат университетининг ўзбек тили ва адабиёти факультетида ўқиган.
Журналист сифатида бир қатор маҳаллий газеталарда фаолият олиб борган.
"Ҳаёт давом этади" шеърий тўпламининг ҳаммуаллифи.

МАҒРУРЛИК
Бу дарахтлар ўхшайди сизга
Пинҳон суйиб, сўзларни тизиб
Юракка ўт қалайверади.

Бу дарахтлар ўхшайди менга
Севгин ошкор этолмай тўзиб
Ҳазин куйлаб юраверади.

Онамдан мехрибон бошка ким хам бор???

Бобомурод Рахматуллаев
Соғинч узоқларда қамалган банди
Қўшиққа айланар ҳар куни қайта

Соғинч юрагимни тилкалар ҳар кун.
Ҳаққим йўқ ҳаттоки хаёл этмоққа.
Ойга тикиламан дарёга боқиб,
Шошилиб яшайман сиздан кетмоққа.

Даврон ХОТАМ

Тушовланган тулпор пишқирар,
Туёғидан ўтлар чақнамай қўйган.
Депсинар. Бир ерда депсинар
Кўзларин ичига мунг қўнган.

Бекзод ҒАНИ

Олис юлдуз каби порлаган,
Нур сочардинг куйган жонимга.
Йиғласам гар кўзим ёш бўлиб,
Сингиб кетар эдинг қонимга.

Ёрқиной Муродова

Шеърларим – кулгуларим,
Шеърларим – қайғуларим.
Уйқудан безор қилган,
Самимий туйғуларим!

Шеърларим , дугонамсиз,
Ҳар лаҳза парвонамсиз.
Қадам қўйсам, чин дилдан,
Кутолган остонамсиз!

Бобомурод Рахматуллаев

Шеърият- бу қуёш, ундан тирик жон бор-ки баҳра олади.Шеърият - бу ҳаво ундан тирик жон бор-ки нафас олади.Шеърият- бу сув,олдингдан оққан сув,қадри йўқ сув.Унинг борлиги сезилмайди,унинг борлиги билинмайди.Лекин осмондай кенг, дарёдай кўнгил эгалари бор экан,УЛАР УЧУН шеър ёзилаверади,ўқилаверади,унинг қадрини биладиган қалб эгалари УЧУН битилаверади, айтилаверади.
Дунёда биттагина шеърни уқадиган юрак, титрайдиган вужуд қолгунига қолса ҳам-ки, у УЧУН шеър тўкилаверади,ўқилаверади ва... ҳислар мовийлашади!

Абдумалик Шарипов

Кўзлар кўр, қулоқ кар,кишанда забон.
Кўнгил кул, дил ўлган, қалб бўлди талқон.
Бўғилган халқумда сўйилган фиғон.
Шаҳидлар қонига бўялди Афғон.

Муҳаммадсоли УЛУҒБЕК

Майсалар мудрайди шабнам бағрида,
Бедор ҳаётини унутиб бир зум.
Майсалар кафтида чақнаган нурдан
Топиб олдим кўҳна дунёнинг кўзин...

У менга боқарди, боқарди элга,
Кўрмоқчи бўларми муруватимни.
Шивирладими оҳ, “Берма, - деб, -елга
Орзу-умидларинг, куч-қувватингни!”