Бошқа ким ҳам бор...
Дунёга келишим кутиб интизор
Кечалар оромсиз бўлиб бемадор,
Доимо жонини беришга тайёр,
Онамдан меҳрибон бошқа ким ҳам бор!..

Замондошларимиздан бири ҳазрат Навоий учун Ҳажжи бадал қилганини эшитдим. Менинг эса у зот билан бир хасратлашгим келди

Абул Хасан ал Мовардийнинг "Дунё ва дин одоблари" асаридан

Куръони каримга

Аъзам РАҲИМ

Шеър ҳақида сўрма шоирдан.
Дардни сўра, аламни сўра.
Хотиралар ёзиб чарчаган
Қалб дардкаши қаламни сўра.

Шеър ҳақида сўрма шоирдан.
Ловуллаган оловни сўра.
Юракдаги улкан минордан
Балқиб турган яловни сўра.

Раҳмон ҚУЛИ

Дўстим, сизга бир гап айтайин:
Қарз узгани келдим дунёга.
Катта-кичик, мени таниган
Элдан қарзман, сизлардан қарзман.

Муомала меъёрин билмай,
Дўстдан қарзман, ётлардан қарзман.
Хақларига дуолар қилмай,
Отамдан қарз, Онамдан қарзман.

Рахим КАРИМ
Бунда жанжал чиқса ҳеч ким ютмайди,
Барча ютқизади, ютқизар барча.
Уруш ҳеч кимга шон- шуҳрат тутмайди,
Фақат қон юттирар лахта ва лахта.
Мен сенга тилайман мангу омонлик,
Менинг отажоним, суюк Осиё!
Номинг ўчиб кетсин бундан, ёмонлик,
Эртакларга қочиб кетсин кин, риё!

Собиржон Зокиржон ўғли

Музқаймоқни кўриб Нур,
Лаб ялаб ҳавасидан
- Музқаймоқ емайсизми?
деб сўрар холасидан.

- Рахмат, емайман болам,
Яхшиси "чит" оларман.
- Унда мендан сўрангчи,
Балки мен еб қоларман.

Абдулҳақ
Нахот букун синди ҳофизи саслар,
Саслари чалинмас қулокларимга.
Нафаслар синдими, оташнафаслар
Қуртлар тушдими, гул япроқларимга.

Фарёднинг боласи туғилди бу он,
Наҳотки қутурди баҳайбат қуртлар.
Истаклар қорайди, қуртлади исён,
Барчаси қорайди, қуртлади бурдлар.

Авлиёхон Эшон

Уфқ ёришмасдан,
Азон маҳали
Кимнингдир шафқатсиз,
Моҳир қўллари
Сокин оқаётган дарё юзидан
Мовий пардаларни олди сидириб.
Сўнг эринмай қоқди зилдай кўрпани.
Савачўп остидан тўкилган тўзон --
Сув ичиб туманга эврилган ҳаво
Мушукдай ўрмалаб тангкўчалардан,
Қаттиқ ухлаб ётган мўъжаз қишлоқни
Ямлаб ютмоқ учун чопди шарпасиз.
Олам ҳам,
Одам ҳам уйқуда эди.
Оқшомда танuилган пашшахоналар
Сузиб бораётган елканлар каби
Оқариб турарди олис-олисда